-06.03 2019
Kum 11 mi chauh kala ni. Mata Vungzagen School ah pawl 3 thleng ka zir a. Mahse, ka nu in pasal dang min neihsan tak ah chuan school kal chak em em mah ila school kal hi ka chawlhsan a ngai a, ka naute pathum enkawlna 'Nu' mawhphurhna leh dinhmun chu ka ko ah a innghat ta tlat mai a ni!
'
Ka rualpui ka thiante chu school kalin, phone ah te an inkhel thin a, thian dun titi leh inkhualtelem in an buai thin a, kei erawh ka dinhmun hian a zir ta ngang lo chu ni in, Nu chan changin ka ka duhdan angin ka zalen ve thei lo va. Ka duh leh chak ngawih ngawihte pawh ka eive phak heklo. A changchuan thîrchhe zawng tur a tirhluih kan ni thin a, mahse chutih hunah kan unau a sweet mum khat pawh pek leh eitir kan nihloh hun hi ka kut zungtang pawh in a tlin phak lo hial ta ve ang tih tur a ni ringawt zawk a ni.
.
Kan naute chu ka theih ang ang in ka enkawl ve a, Mikko te, Balhla te leh Thingpui te pe in ka enkawl a. Zan lamah te riahpui in a mut theihloh hunah pua in chutih hunah kei ngei pawh in mutthluk leh chang ka nei thin. Thlasik khawvawt do nan puanlum kan nei lo va, ruah leh dai karah taksa venna leh tih lumna tur kan nei bik lo. Ka naute pawh chu tha zawk a enkawl dan tur ka thiam chuanglo. Hria pawh ni ila kan neih in a tlin dawnlo tih chu ka chiang reng a, A hriselna pawh hi eng ang dinhmun nge a nih ka hre phak der si lo. Chu vang tak chuan kan naute hriselna dinhmun a chhe hle hman tawh a, tha leh uluk tak a enkawl a lo ngaita tak zet tawh a ni.
.
He thu hi hmanni a post ka lo tihchhuah tawh '' CHANCHIN LUNGCHHIAT THLAK'' ti a naupang khawngaih thlak tak unaute chanchin ni in, an zinga upa ber Tingneihat thusawi compile a ni a, naupangte mah nise a naute leh chhungkhur a ngaih pawimawh zia ropui ka ti takzet a ka rawn chawpchhuak leh ta mai a ni. Tlema han puitling deuh chu ni se, tlawmngai a tanpuitute chungah mittui luang zawih zawih chung a lawmthu sawi pawh hi a chak ngei ang tih ka chiang a ni. Tin, An chhungkaw dinhmun harsat zia hei ai a uar zawk a sawi tur a tam ang mahse chungte chu kan ziak kim vek seng lo ang a, hei leh chen kan sawi hnu ah an dinhmun khirh dan tur chu a hriat a. He hmeichhe naupang hian a naute a enkawla Nu ber dinhmun a chelh mai a tih tur a ni tih hria a, a pawm ngam tlat mai chu a ropui ka ti in a chhuanawm ka ti takzet a ni.
.
Lamka leh a chhehvel a tlawmngai thenkhat ten naute an han hmuh hian an khawngaih emem a, kar liamta Inrinni (2-3-2019) khan District hospital, CCpur ah an hruai a, naute chu tunthleng in YVA GHQ hmalakna in enkawlna kalpui zel ni a, tlawmngai pawl leh mimal tlawmngai hmun hrang hrang a mite atangin tanpuina chu a lut leh ta zel a, naute dinhmun pawh hian thatlam pan zel ni a hriat a ni bawk a ni
Comments
Post a Comment